Cursu de alfabetizatzioni e de grammàtica de sa lìngua sarda. Tocat a s’allistai aintru de su 17 de mesi-de-argiolas de su 2023.

S’Unioni de is Comunus de Parte Montis, aintru de su progetu Parte Montis in lìngua sarda finantziau de sa Presidèntzia de su Consillu de is Ministrus e de sa Regioni Autònoma de Sardigna gràtzias a sa L. 482/1999 e a sa L.R. 22/2018 po s’annu 2022, cuncordat unu cursu de alfabetizatzioni e de fungudamentu grammaticali in lìngua sarda. Su cursu, apariciau po su personali dipendenti dei is Comunus e po cussu de s’Unioni, est gratis e abertu a totu is tzitadinus interessaus, a is maistus de scola e professoris, a is cummertziantis, a is artisanus, a is assòtzius culturalis (grupus teatralis, grupus folk, corus, etc.), a is Bibliotecas, a is Pro Loco e a totu cussus chi impreant giai (o chi bolint impreai) su sardu dònnia dii me in is fainas insoru.
Su cursu at a tenni una dura de 30 oras, chi s’ant a spoddiai intra de is mesis de argiolas, cabudanni e mesi-de-ladàmini de su 2023 (in austu no s’at a fai letzioni peruna!).
Po ddu podi incarrerai, a su cursu si ddoi depint allistai assumancus 20 personis, cun s’impìnniu de ddu sighiri po assumancus 21 de is 30 oras prevìdias. A s’acabbu de su cursu ddoi at a ai un’esàmini e s’Unioni de is Comunus at a donai a is scientis s’atestau de frecuèntzia.
S’allistadura bolit fata aintru de lunis 17 de mesi-de-argiolas de su 2023, cumpilendi su mòdulu alliongiau e mandendi-ddu a s’indiritzu de posta eletrònica unione.partemontis@unionecomunipartemontis.it o cunsinniendi-ddu a manu a s’Unioni de is Comunus de Parte Montis su martis a mangianu, de is otu a is duas, o sa giòbia a merii, de is duas a is seti.
Po àterus informus fait a scriri a s’indiritzu unione.partemontis@unionecomunipartemontis.it o a telefonai a su nùmeru 349/6025986.